給何志剛同學的信 (Letter to George)

小檔案(Profile)
來自(From): 香港島南區(Hong Kong Island Northern District)
大學(University): 香港大學(Hong Kong University)
星座(Horoscope): 雙子座(Gemini)
宿舍房號(Room No): 103

Hey man,

呢句係你見親老美都講嘅第一句說話, 後來亦成為我哋同你講嘅「歡迎語」。

實在有太多關於你嘅嘢想寫, 不知從何寫起……首先由一個「怪」字講起, 好奇怪, 同其他同學講起你, 不論任何國籍都會有相類同嘅評語: 「George? 有D怪怪地!」「George好像有點怪啊!(國語)」「George…hm…little bit weird.」點解大家會有同感? 具體我唔知, 但以我本人嘅第一身感覺, 之所以覺得你怪係你嘅行為同說話好特別, 例如:

事件(一)
記得嗰日考完試(大家相識嘅第二日), 咁啱我同Poly準備返宿舍, 响campus樓下撞到你, 問你去邊? 你話:「吓! 好眼瞓呀…好想求其揾個樹底瞓吓覺!」 仲順勢指一指Cafeteria旁邊嗰幾棵樹, Poly當時只識碌大隻眼, 完全唔識回應, 而我就答:「啊! 咁你慢慢揾啦, 我哋返宿舍先!」我句嘢都未講完, 你就已經行咗去, 我同Poly都覺得「條友攪咩呀?」

事件(二)
响同一日嘅Welcome Party我同你編埋同一組, 但唔鬼知你去咗邊, 遲咗成個鐘至到, 攪到其他老師成日嚟問你响邊, 我就用我超低能嘅日文說:「ねる。」D老師通常笑笑口兼及口噏噏就走咗! 到你嚟到嘅時候, 又好似無件事咁一輪咀日文, 好攪笑!

事件(三)
來無踪, 去無影。大家從來唔會知你去咗邊, 就算一秒鐘前見到你, 你一秒鐘後就唔見人, 好邪! 有時大家講起, 你就會回應:「喂, 咁大個人, 唔使講低啦! 去得邊吖!!」最記得嗰次成大班人打網球, 三十秒之前至同你打緊網球, 三十秒後就見你攞住個背包走人, 問你去邊, 你邊急步行邊回答:「我約咗……」我哋只能夠聽到你嘅說話殘留响空氣的餘音, 亦等於聽唔到……大家你眼望我眼, 只好企喺網球場內遠眺你嘅背影。

事件(四)
ひとりで 自転車で 德島へ 行きましたか。結果被老師留言在你房門口要你交待事件, 哈哈……我份人方向感差, 地理差, 唔知德島喺邊, 所以D同學話你踩單車去, 我一D都唔覺得出奇, 直到松本老師話無可能, 因為隔咗個海, 頭一秒我哋個個張大個口得個窿, 下一秒個個笑到仆响度!

事件(五)
你那謎一樣嘅背景身世引發我哋好多遐想。唔知點解, 我哋班同學對某D同學嘅身世背景好好奇, 就好似你同老美, 尤其係你, 問你幾多歲, 你就答: 「25歲啦, 年年25歲! 哈哈…」又是你那招牌式的大聲朗笑; 問你結咗婚未, 你又會答:「日頭single, 夜晚double, 半夜triple囉! 哈哈…」問你住邊, 又答:「香港囉!」「香港邊度?」「南區囉!」「即係邊呀?」「未答咗囉。」「南區咁大!」「你知嚟做乜啫, 唔講!」問你幾時生日, 又話「唔講!」雖則每人有自家嘅私隱, 亦有唔透露嘅自由, 但呢D普通料唔使咁秘密吓。

事件(六)
用右手掩口, 然後用一副日本腔說:「ええ...そうですか。」(語調帶些少詫異, 並非疑問。)感覺上好少男生會咁講, 而司徒小姐就最鍾意模仿你呢個表情動作~~

不過自從寺社見學嗰日响大巴度你坐响我隔離一齊吹水開始, 我就feel到我哋會係好朋友, 我仲記得你响日本請我食嘅もも同りんご, おぃしかったね~~ どうも ありがとうござぃました。

我記得老美曾經說過這樣的話(中譯版) : 「佐治雖然是有點兒怪, 但我喜歡跟他做朋友, 這個世界有許多很平淡的人, 有點怪才顯得特別。」我很認同這番話。幾時得閒再啤啤佢呀? 但係唔好好似响京都咁成日「揸流攤」, D酒唔係飲哂, 係俾你晒或者倒晒。

再見!「君子馬蘭奴」~~

Jenny (你鍾意叫我做Jenny, 就返你一次啦, 查實我係叫Jeannie!)